Mustafa Şentop Türkiyə parlamentinin yeni sədri seçilib
Bu gün Türkiyə Böyük Millət Məclisinin sədri postuna seçkilər keçirilib.
ONA-nın Türkiyənin NTV telekanalına istinadən verdiyi məlumata görə, parlamentin sədri Binəli Yıldırım hakim Ədalət və İnkişaf Partiyası (AKP) tərəfindən İstanbul Böyük Şəhər Bələdiyyəsinin sədri postuna namizəd göstərilib və bununla əlaqədar postundan istefa verib.
Türkiyə parlamentinin sədri postuna
AKP Təkirdağ millət vəkili Mustafa Şentop,
CHP İstanbul millət vəkili Engin Altay,
Xalqların Demokratik Partiyası (HDP) İzmir millət vəkili Serpil Kemalbay Pekgözegü,
İYİ Partiya Qaziantep millət vəkili İmam Hüseyn Filizin
namizədliyini irəli sürüb.
AKP İstanbul millət vəkili Nevzat Şatıroğlun ehtiyat namizəd kimi irəli sürülsə də, səsvermədən əvvəl namizədliyini geri götürüb.
.jpg)
