Rusiya S-500 zenit raket kompleksi proqramının araşdırma və istehsal hazırlıqları prosesi son mərhələsinə qədəm qoyub.

Publika.az xəbər verir ki, bu barədə Rusiyanın Sənaye və ticarət naziri Denis Manturov danışıb.

Nazir bildirirb ki, kompleksin istehsalı üçün hazırlıqlara başlanılıb.

Yeni nəsil “qurudan havaya” raket sistemləri arasında yer alan S-500 sadəcə ballistik deyil, təyyarə, helikopter, digər hava hədəfləri və kəşfiyyat raketləri ilə səsdən sürətli raketlərin başlıqlarını məhv etmək qabiliyyətinə malik olacaq. Mənzili 600 km olacaq sistem eyni anda 7 km sürətlə səsdən sürətli 10 ballistik hədəfi vura biləcək.

S-500 xüsusiyyətləri baxımından S-400 və amerikalı rəqibi “Patriot Advanced Capability-3”dən böyük miqyasda üstün olacaq.