“Bir sıra ali təhsil müəssisələrinin rektorları vəzifədən azad oluna bilərlər. Onlar heç 

universitetdə gözətçi işləməyə də layiq deyillər”.

Teleqraf.com xəbər verir ki, bunu yanvarın 31-də Özbəkistan Prezidenti Şavkat Mirziyoyev 

elm adamları, istehsalat sektorunun nümayəndələri və tədqiqat müəssisələrinin rəhbərləri 

ilə görüşdə bəyan edib.

Dövlət başçısı işçilərin yarıdan çoxunun sertifikasiyadan keçmədiyi Daşkənd Dövlət İqtisad 

Universitetindəki (DDİU) acınacaqlı vəziyyətdən danışıb.

Ötən ilin sonunda universitetin rektoru Bahodir Xodiyev vəzifəsindən azad edilib.

“Ali təhsil müəssisələrinin rəhbərlərinə söz verməyə vaxt yox idi. Mən sizdən çox narazıyam. 

Dünən mən Narxoz (DDİU - red.) haqqında danışdım ki, işçilərin 60-65%-i attestasiyadan 

keçməyib, yəni “2” qiyməti alıb. 20 il ərzində vicdanı, biliyi, təhsili olmayan insanlar uşaqlara 

dərs verib. Bu uşaqlardan nə olacaq? Hara gedəcəklər? Harada işləyəcəklər? Böyük banklarda 

işləyə biləcəklərmi? Xeyr”, – deyə ölkə başçısı bildirib.

Prezident hesab edir ki, bank sektoru mütəxəssislərinin ixtisas səviyyəsinin aşağı olması

 Daşkənd Maliyyə İnstitutunda və Daşkənd Dövlət İqtisad Universitetində elmi potensialın 

olmaması ilə əlaqədardır.

Şavkat Mirziyoyev qeyd edib ki, rektorları və digər universitet işçilərini həbs etmək korrupsiya 

sisteminin tamamilə məhv ediləməsinə gətirib çıxarmayacaq:

“Ətrafımızı dəyişdirməliyik, tələbələr korrupsiyanı qəbul etməməlidirlər. Müəllimlər gənc, 

rəqabətqabiliyyətli tələbələrə dərs keçə bilmədiklərindən utanmalıdırlar. Hər bir universitet

 rəhbəri nəticə çıxarmalıdır”.

Prezident yaxın günlərdə bir neçə rektorun işdən azad olunacağını bəyan edib.