Səudiyyə Ərəbistanında koronavirusa yoluxanların sayı artır. Son bir sutkada daha 17 yeni virus daşıyıcı müəyyənləşib. Ümumi say 62-yə çatıb.
Bizimyol.info xəbər verir ki, Kəbənin yeni görüntüsü yayımlanıb. İnsanların müqəddəs yerin ətrafında çox kənardan dövrə vurduğu görünür. Yazılanlara görə, insanları Kəbəyə yaxına buraxmırlar.
Ümumiyyətlə, bir neçə gün əvvəl Kəbə ziyarəti dayandırılmışdı. Səudiyyə Ərəbistanı, ümumiyyətlə, Məscidül-Həramda dezinfeksiya işləri aparırdı. Lazımi tədbirlər bitəndən sonra ziyarətçilər gözə dəyməyə başlayıb. Amma onların sayı əvvəlkindən dəfələrlə azdır.
Səudiyyə Ərəbistanında virusa ilk yoluxma halı martın 2-də olmuşdu. Virusa yoluxan şəxsin İrandan gəldiyi müəyyənləşmişdi.
.jpg)
