Pakistanın kəşfiyyat rəisi Faiz Həmid, qrupun qurucusu Molla Əbdül Qani Bəradərin daxili qarşıdırma zamanı yaralandığı barədə xəbərdən sonra “Taliban”da inkişaf edən daxili böhranı həll etmək üçün Kabilə təcili səfər edib. 
Amerika Müəssisələr İnstitutunun (AEI) baş elmi işçisi, keçmiş Pentaqon rəsmisi Maykl Rubin ABŞ-ın “19qırx beş” qəzetində (www.19fortyfive.com) yazır ki, F.Həmidin təcili səfəri onların ISI-nin kuklası olduğunu təsdiqləyir: “15 avqustda Kabili ələ keçirən “Taliban”, Əfqanıstanda hökumət qurulması ilə bağlı elanı son bir neçə günə təxirə salıb. Qrup bu mövzuda hələ bir açıqlama verməsə də, “Taliban”la Haqqani şəbəkəsi arasında güc paylaşımı mövzusunda fikir ayrılığı olduğu üçün hökumətin qurulmasının gecikdiyi barədə məlumatlar var. Yeni Əfqanıstan rejiminə rəhbərlik etməyə hazırlaşan “Taliban” lideri Molla Əbdül Qani Bəradər qarşıdurmada yaralanıb və hazırda Pakistanda müalicə olunur”.
“Taliban”da parçalanmaya işarə edən Rubin, Haqqani və bir çox digər “Taliban” qruplaşmasının sadəcə olaraq Heybətullah Axundzadəni öz lideri olaraq qəbul etmədiyini deyir. Pakistan kəşfiyyatının rəisi, general-leytenant Faiz Həmid Pakistan rəsmilərindən ibarət nümayəndə heyətinə başçılıq edərək ötən şənbə Kabilə gəlib.
M.Rubin əlavə edir ki, qrupun nümayəndələrinin Heybətullah Axundzadənin İslam Əmirliyinin ali lideri olacağına işarə edən rəsmi bir açıqlaması yoxdur. Bu gecikmə həm də “Taliban” qurucularından Molla Əbdül Qani Bəradərin Kabildə siyasi lider olmaq səylərini təxirə salıb. Gecikmə, “Taliban” daxilində daha böyük bir böhran siqnalı verə bilər və bu səbəbdən F.Həmid Kabilə təcili səfər edib.

Pentaqonun keçmiş rəsmisi, son səfəri zamanı F.Həmidin Əfqanıstan hökumətinin devrilməsində əli olduğunu ortaya qoyduğunu söyləyir: “Həmid əli açıq şəkildə ortaya çıxdıqda, ABŞ siyasətçiləri onun Kabilə təcili səfərini, sadəcə bir ISI kuklası olduğunu təsdiqlədi və sual edilir ki, niyə hər kəs “Taliban”la danışıqlar aparmalı və ya tanımalıdır?”
Pakistan və onun kəşfiyyat qurumu Əfqanıstanı ələ keçirərkən talibləri dəstəkləməkdə günahlandırılır. Ekspertlər hesab edir ki, Pakistan seçilmiş Əfqanıstan hökumətinin hakimiyyətdən uzaqlaşdırılmasında və “Taliban”ı Əfqanıstanda həlledici güc olaraq qurmaqda əsas oyunçu olub. Bu yaxınlarda BMT-nin Monitorinq hesabatında "Əl-Qaidə" rəhbərliyinin əhəmiyyətli bir hissəsinin Əfqanıstan və Pakistanla sərhəd bölgədə yaşadığı qeyd edilib.AzPolitika.info

---

---